محبوب عالم
محبوب عالم
محبوب عالم: ٽي. وي. ۽ فلم جو مشھور اداڪار، محبوب عالم ولد چوڌري محمد علي 14 مارچ 1948ع تي، شھر ٽنڊي غلام علي لڳ ڳوٺ چوڌري محمد علي، تعلقي ماتلي، ضلعي بدين ۾ پيدا ٿيو. مسلم ڪاليج حيدرآباد مان انٽر ڪرڻ کانپوءِ سنڌ يونيورسٽيءَ مان، تاريخ ۾ ايم. اي ڪئي. هن پنھنجي فني زندگيءَ جي شروعات سنڌي فلم ‘سورٺ’ کان ڪئي. 1979ع ۾ امجد اسلام امجد جي لکيل اردو ڊرامي ‘وارث’ ۾ ادا ڪيل ‘چوڌري حشمت’ جي ڪردار کيس شھرت ڏني. ان کان پوءِ ھن ڪيترن ئي تاريخي ڊرامن: ‘دھليز’، ‘سمندر’، ‘وقت’، ‘لازوال’، ‘پياس’، ‘نيلي هاٿ’، ‘انڌيرا اجالا’، ‘اپني لوگ’ ۽ ٻين ۾ ڪردار ادا ڪيا. هن اردو، سنڌي ۽ پشتو جي 50 کان وڌيڪ فلمن ۾ ڪم ڪيو. سندس فلمن ۾: ‘خاڪ اور خون’ (1979ع)، ‘چن وريام’ (1981ع)، ‘فٽافٽ’ (1981ع)، ‘ڇوٽي نواب’ (1980ع)، ‘رت جا رشتا’ (1975ع)، ‘سورٺ’ (1973ع)، ‘تان صدقي'>پيار تان صدقي’ (1974ع)، ‘پڳ '>پوتي ۽ پڳ ’ (1986ع)، ‘ڌرتي لال ڪنوار’ (1975ع)، ‘ڌرتي دل وارن جي’ (1975ع)، ‘دريا خان’ (1991ع)، ‘خان بلوچ’ (1985ع) ۽ ٻيون شامل آهن. ڪجهه فلمن جو هدايتڪار پڻ رھيو. سندس فني خدمتن جي مڃتا طور بئنڪ جي اعزازي نوڪري پڻ حاصل ڪئي.18 مارچ 1994ع تي 46 سالن جي ڄمار ۾، ڪراچيءَ ۾ وفات ڪئي. سندس تدفين ٽنڊي غلام علي شھر جي اباڻي قبرستان ۾ ٿي. سندس وفات کانپوءِ ڪيل فني خدمتن عيوض کيس اسپيشل ايوارڊ (2005ع) ڏنو ويو.
لفظ محبوب عالمھيٺين داخلائن ۾ پڻ استعمال ٿيل آھي
داخلا ۾ استعمال ٿيل تاريخون
1948.03.14 عيسوي
ٽي. وي. ۽ فلم جو مشھور اداڪار، محبوب عالم ولد چوڌري محمد علي 14 مارچ 1948ع تي، شھر ٽنڊي غلام علي لڳ ڳوٺ چوڌري محمد علي، تعلقي ماتلي، ضلعي بدين ۾ پيدا ٿيو.
1994.03.18 عيسوي
محبوب عالم 18 مارچ 1994ع تي 46 سالن جي ڄمار ۾، ڪراچيءَ ۾ وفات ڪئي. سندس تدفين ٽنڊي غلام علي شھر جي اباڻي قبرستان ۾ ٿي.
شخصيتون - ڀاڱي جون ٻِيون داخلائون
ويرو ڪولھيٽيپو سلطان
آدم خان مري
بلاول شاهه حسيني
آخوند نور محمد ڀٽي
راحت ڪاظمي
ڀاشاني عبدالحميد خان
طالب حسين مغل
آهوجا ميول نيوند رام
انورهڪڙو